Отказ за Џикиќ, нов селектор Србиновски?!

Досегашниот селектор на македонската кошаркарска репрезентација, Србинот Александар Џикиќ не е повеќе прв стратег на „националите“ . Негов наследник најверојатно ќе биде помошникот на Марин Докузовски од ЕП во Литванија каде Македонија го освои 4. место, Марјан Србиновски. Се најавува дека на клупата на националниот тим на следното ЕП како советник ќе седи и спортскиот директор Заре Марковски .

Оваа одлука е донесена од страна на комитетот за итност во Куќата на кошарката во консултација со членовите на Управниот одбор. Селекторот е разрешен поради, како што се вели во објаснувањето од МКФ, нарушената соработка и недоверба во органите на федерацијата. Воедно, предводниците на макбаскетот воедно му се заблагодаруваат на Џикиќ за досегашната работа со националниот тим.