Македонија
15. February 2022 - 14:36

Откако го избодела Пале се јавила во Брза помош и се обидела да го спаси партнерот

Велешанката Павлинка Илоска Пале откако го прободела својот невенчан сопруг, се јавила во Итната медицинска помош и се обидела да му помогне. Ова денес во образложението пред да ја ослободи од кривична одговорност за убиство на миг го кажа судијката Габриела Гајдова од Основиот суд Велес. Ја влечел, ја тепал, ја давел и ја нарекувал курва и недомаќинка, по што Пале посегнала по првиот предмет за да се одбрани, а не ни знаела дека во рацете има нож.

„Согласно Кривичниот законик, нужна е одбраната која е неопходна. Нападот и одбраната се неопходни елементи. Тој ја влечел, клоцал, ја стегнал околу вратот, неспорно се утврди од записникот за увид, по самиот увид на настанот кај обвинетата имало телесни повреди, изразени на главата, ногата и вратот. Натаму, на овој доказ се надоврзува телесниот преглед на обвинетата. Неспорно се утврдило дека нападот од покојниот бил вистински и траел, а обвинетата Пале била во животозагрозувачка состојба, потврдил и психијатрискиот наод“, рече судијката..

Популарно од Македонија

Ново на Сител

© 2026 Сител Телевизија