Останете обединети, ова не е време за политика, порача американската амбасадорка во Тирана
Американската амбасадорка во Тирана, Јури Ким ја пофали соработката меѓу албанскиот претседател Илир Мета, премиерот Еди Рама и лидерот на демократите, Љуљзим Баша, во борбата против Ковид-19.
Преку објава на Твитер, таа порачува дека не е време да се води политика, туку „да останеме обединети бидејќи тоа е единствениот начин да се бориме против пандемијата“.
„Разговарав со претседателот Илир Мета, премиерот Еди Рама и лидерот на демократите Љуљзим Баша за да ги пофалам за нивната соработка во борбата против Ковид-19. Сега не е време да се води политика. Војната не може да се добие без соработка и дисциплина, како од политичките лидери така и од народот“, напиша таа.
Таа додава дека разговарала и со министерката за здравство Огерта Манастирлиу и изрази пофалба до неа и до здравствените работиници за максималната пожртвуваност во борбата со коронавирусот.
Ким упати порака и до граѓаните дека во овие моменти најзначајно е сите да продолжат да седат дома.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера