Османи предлага 14 април да биде Ден на жртвите на сексуалното насилство
Претседателката на Косово, Вјоса Османи објави дека од денеска 14 април, под покровителство на претседателот на држвата, ќе се одбележува како Ден на лицата кои преживеале сексуално насилство во војната од 1998-99 година во Косово, јави дописникот на МИА од Приштина.
Својата иницијатива Омани ја објави по денешната средба со актуелната пратеничка во Собранието на Косово, Васфије Красниќи-Гудман, која на денешен ден 1999 година, на 16-годишна возраст, била насилно одведена од нејзиниот дом и силувана од припадници на српските сили.
Косовската претседателка на својата официјална страница на Фејсбук напиша дека, во консултации со Владата на Косово, ќе се заложи да се преземат сите потребни институционални чекори датумот 14 април да биде одбележан со закон.
– Како што таа (Красниќи-Гудман) храбро ја сподели болката, храброста и вистината со нас и со целиот свет, исто така и ние треба да се бориме заедно со неа и со многу жени и мажи, за да ја кажеме вистината и за да бараме правда. Но, како што Васфије успеа да живее, да преживее, да триумфира, нејзиниот пример и храброст нека ни послужат како патоказ во барањето правда и во комуникаццијата со другите за овој дел од нашата историја. Васфије не е сама – ниту во тоа доживување, ниту пак во патот по кој тргна за да ја донесе правдата. Таа е гласот на сите 20.000 преживеани жртви на сексуалното насилство во последната војна во нашето Косово, напиша Османи.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување