Османи - Хоџа: ЕУ е заедничка цел на Македонија и Косово
Македонија и Косово имаат иста цел - пристапување во ЕУ и треба да се поддржуваат во тој процес преку континуиран, отворен и конструктивен дијалог, истакна македонскиот вицепремиер задолженн за европски прашања Бујар Османи на средба со косовската министерката за европска интеграција Дурата Хоџа, соопшти СЕП.
Во тој контекст, Османи ги понуди искуството и знаењата кои Македонија ги стекна во делот на спроведување на Спогодбата за стабилизација и асоцијација, со директна соработка и експертска помош, нагласувајќи дека Косово ќе ја добие целосната поддршка од стана на Македонија за нивните евроатлантски аспирации.
Османи и Хоџа ја повторија и поздравија иницијативата за одржување заедничка седница на владите на двете земји, во рамките на воспоставените институционални механизми со потпишаниот Договор за соработка во областа на европската интеграција, а беа разгледани и заедничките проекти во рамките на Берлинскиот процес, како и можното воспоставување заедничка царина.
Вицепремиерот Османи на средбата потврди и дека се работи на спроведувањето на стратешкиот проект во рамките на ИПА за прекугранична соработка, граничниот премин Белановце-Станчиќ, и подвлече дека ќе стори сè што е во рамките на неговите надлежности за навремено завршување на сите постапки, за што побара заложба и од косовската страна, се вели во соопштението од СЕП.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден