Околу 550 мигранти спасени во Медитеранот

Околу 550 лица беа спасени вчера во неколку операции за помош на загрозени мигранти во Средоземното Море, соопшти италијанската крајбрежна стража.

„Околу 550 мигранти се спасени во централниот дел на Средоземното Море, во четири различни спасувачки операции, координирани од крајбрежната стража", се вели во соопштението.

Мигрантите патувале со четири гумени чамци. Во операциите учествувале два пловни на крајбрежната стража, бродот „Бетика" на италијанските поморски сили, трговскиот брод „Аквариус" и брод на невладината организација „SOS Медитеране".

Екипажот на последниот брод нашол две тела за време на операцијата за спасување на 193 лица од гумен чамец.