-->
-->
Одржан семинарот за кошаркарски тренери
-->
Во малата сала на СРЦ „Кале“ во Скопје, вчера и денеска беше одржан семинар за тренери кој претходно го закажа Здружението на кошаркарски тренери. Претседателот на тренерската комисија при Македонската кошаркарска федерација, Боро Даскаловски, ги информира сите кои беа присутни за начинот на лиценцирање на тренери за наредната сезона односно за нивното континуирано стручно усовршување.
„Она што речиси две години е подготвено ќе започне да се реализира по предвидената програма. Сите тренери кои се во кошарката подолго време, но немаат соодветно образование ќе можат да се стекнат со лиценци доколку ја реализира предвидената програма која се состои од теоретска настава, практична настава, практична настава со ментор како и краен испит. По исполнување на сите зададени работни задачи кандидатките односно кандидатите ќе се стекнат со лиценцата за која конкурирале“ - накусо објасни Даскаловски, кој воедно е и професор на Факултетот за физичко образование, спорт и здравје.
На семинарот беше одржан и тренинг со дел од селекцијата на Македонија до 18 години на кој гостите Драган Јаковлевиќ, заедно со Јанко Луковски демонстрираа дел од акциите за подобрување на играта во транзиција, агресивноста како и соодветна реакција.
„Мило ми е што имам чест да одржам едно кусо предавање во една од Републиките на Балканот кој дала голем број на асови. И во Македонија и во Србија имаме тренери кои се дел од таа југословенска школа или имаат барем мала нишка и се свесни колку е важна едукацијата и работата на тренерите во кошаркарската сфера. Порано, Југославија создаваше врвни спортисти, кошаркари, а сега случајот не е таков. Во минатите четири години, Србија конкретно создаде двајца играчи што е поразителна бројка. Без разлика дали работите во мал или во голем клуб, мора постојано да се работи со кошаркарите“ - Јаковлевиќ ги поддржа ЗКТ и тренерската комисија при федерацијата.
-->
-->
-->
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд