Одмазнички напади на Иран врз Израел, во Тел Авив повредени неколку лица | ВИДЕО
Исламската револуционерна гарда лансираше голем број балистички ракети кон Израел од своите силоси и транспортни возила како одмазда за воздушната кампања спроведена од израелските воздухопловни сили пред повеќе од 20 часа.
Израелската армија објави тревога за воздушен напад за целата земја, наведувајќи дека Иран лансирал балистички ракети кон нивна територија.
Според ирански извори, повеќе од 100 балистички ракети биле лансирани кон Израел, со што официјален Техеран одлучи да одговори на израелските воздушни напади.
Видеата од првото пресретнување на балистички ракети од страна на израелската одбрана се споделуваат на социјалните мрежи, додека попрецизни податоци се очекуваат по првиот бран напади.
Телевизијата Канал 13 известува за пожар во близина на седиштето на израелското Министерство за одбрана во Тел Авив, додека Израел Хајом известува дека ракети паднале на седум различни локации во централниот дел од земјата.
Иран испали „стотици различни балистички ракети“ кон Израел, во она што Техеран го опишува како почеток на својата „разорна одмазда“ за израелските напади.
„Пред неколку моменти, со лансирање на стотици различни балистички ракети кон окупираните територии, започна операцијата на решителен одговор на варварскиот напад на ционистичкиот режим“, објави официјалната иранска новинска агенција ИРНА.
Израелските воздухопловни сили ги повикуваат граѓаните да останат во засолништа поради можноста некои од иранските ракети да ја пробијат антибалистичката одбрана, при што го потврдија нападот.
Ново на Сител
-
Утре посвежо со пониски максимални дневни температури
-
Три пожари во Крива Паланка, градоначалникот бара итна интервенција | ВИДЕО
-
Тешко повреден велоспедист во сообраќајка на патот Радовиш-Штип
-
Запалено столче во спортска обложувалница во Скопје
-
Градежен работник починал од струен удар
-
ЕП: Албанија е единствена земја на Западен Балкан каде сите политички актери се проевропски
-
ЕЦХР изрече две пресуди против Русија поради кршење на меѓународното право во Украина
-
Мизрахи: Од сега, до шест обиди за ин-витро оплодување ќе бидат покриени од Фондот за здравствено осигурување