„Очите на воинот“ – книга за бранителите во 2001

„Очите на воинот“ е нова книга на Тони Ангелески, поранешен припадник на Единиците за посебни задачи на МВР, која е издание на „Тримакс“ и продолжение на неговата претходна книга – „Аманет“.

– На повеќе од 300 страници книгата раскажува за херојските битки на воено-полициските сили на македонската влада во 2001 година, но и во годините пред и по војната. Во содржината се опишани искушенијата, патешествијата и предизвиците со кои се соочија бранителите во изминативе две децении, вели авторот Ангелески, кој сега е вработен во Бирото за јавна безбедност.