Објавени имињата на добитниците на петровденските награди на Кочани
Одборот за доделување награди на општина Кочани по повод Петровден, празникот на градот, донесе одлука наградата за животно дело, постхумно да му ја додели на Константин Апостолов, доктор по микробиологија, член на МАНУ надвор од работниот состав.
Според образложението, д-р Апостолов, кој е роден во Кочани во 1933 година, е научник од светски ранг, кој својот живот го посветил на истражувањата во лабораториите во Скопје, во Бирмингем – каде специјализирал електронска микроскопија, Бекенхам... Бил предавач и консултант во Институтот за вирусологија во Кралската медицинска академија и во болницата Хамерсмит во Лондон. Апостолов е првиот претседател на асоцијацијата на Македонците во Британија и нејзин почесен претседател до крајот на животот. Почина во Лондон, во 2008 година.
Одборот за награди одлучи наградата на општина Кочани за значајни остварувања за развојот на општината годинава да му ја додели на Градскиот фудбалски клуб „Осогово“ кој во натпреварувачка 2016/2017 година оствари директен влез во Втората македонска фудбалска лига со 20 победи од одиграни 27 натпревари и постигна 63 голови. Оваа награда, за разлика од претходната е парична и изнесува пет просечни плати исплатени во претходните три месеци во Република Македонија.
Наградите ќе бидат доделени на седница што Советот на општина Кочани ќе ја одржи на 12 јули.
Ново на Сител
-
Ен-Би-СИ: Жештината е тивок убиец, поголем од поплавите, ураганите, торнадата
-
Трамп го отфрли тврдењето на Нетанјаху дека нема глад во Газа
-
Уапсен србин кај Ѓавато, не застанал на знак на полицијата, па потоа го оставил автомобилот и пробал да побегне
-
ЦУК: 20 пожари на отворен простор, десет активни, пет ставени под контрола и пет изгаснати
-
Чешка и Словенија испраќаат помош за справување со пожарите во Северна Македонија
-
За еден ден ќе почне првичната селекција на лицата кои треба да бидат ангажирани како пожарникари
-
Трамп ѝ даде на Русија нов рок од 10-12 дена за завршување на војната во Украина
-
Скопјанецот Зоран Настевски совлада “бомбаш самоубиец“ на лет од Лутон кон Глазгов | ВИДЕО