Објавен конкурс за доделување на „Ноемвриска награда“ на Старо Нагоричане

Советот на општина Старо Нагоричане објави конкурс за доделување на „Ноемвриска награда“, признание кое се доделува на истакнати поединци, претпријатија, здруженија на граѓани, во чест на Денот на ослободување на општината, информираа денеска од општинската комисија за одбележување празници и манифестации, доделување награди и признанија.

За наградата можат да конкурираат сите заинтересирани физички и правни лица од општината. Наградата,соопшти претседателката на комисијата,Весна Краљевска, се доделува за пет категории и тоаљ за најдобар земјоделец, сточар, најуспешна фирма, најдобар спортист и за најдобар просветен работник.

Пријавувањето на кандидатите се врши во просториите на општината во одделението за правни,општи и јавни дејности,секој работен ден до 25 октомври,годинава.Наградите ќе се доделат на 11-ти Ноември на свечена седница на советот на општината.