Нови цени на горивата од полноќ - Дизелот се намалува за 3 денари

Цената на дизел горивото од полноќ се намалува за 3 денари за литар, а цените на бензините  ЕУРОСУПЕР-95 и ЕУРОСУПЕР-98  остануваат со истата цена, одлучи вечерва Регулаторната комисија за енергетика и водни услуги (РКЕ).

Новите цени на нафтените деривати се: Моторен бензин - ЕУРОСУПЕР БС - 95 - 86,50 (денари/литар) - Моторен бензин - ЕУРОСУПЕР БС – 98 - 88,50 (денари/литар) - Дизел гориво - ЕУРОДИЗЕЛ БС (Д-Е V) - 85,00 (денари/литар) - Масло за горење - Екстра лесно 1 (ЕЛ-1) - 81,00 (денари/литар) - Мазут М-1 НС - 59,299 (денари/килограм).