Новата футсал сезона стартува на 10 октомври

Фудбалската федерација на Македонија го одреди распоредот на натпревари во новата сезона во Првата лига во футсал, која ќе стартува на 10 октомври.
Шампионот КМФ Проект ќе ја почне одбраната на титулата на домашен терен против КМФ Јувентус Серава.

Преостанатите парови од воведното коло се КМФ Бутел – КМФ Железарец, КМФ Клими – КМФ СЕЕ Универзитети, КМФ Форца 2015 – КМФ Шкупи и КМФ Кеги Моби – КМФ Осогово. Една недела подоцна стартуваат и натпреварите во второлигашката конкуренција.

Во првата рунда од Втората футсал лига се среќаваат: КМФ Фудбал Старс Аутовелт – КМФ Кратово, КМФ Мал Ајакс – КМФ Овче Поле, КМФ Балкан – КМФ Победа и КМФ Каршиака – КМФ Шутка 1. Слободна во првото коло е КМФ Црна Река.

МИА