Нова градинка во Козле
Во урбаната заедница „Кузман Јосифовски - Питу“ градоначалникот на Општина Карпош Стевчо Јакимовски предаде во употреба нов објект на детската градинка „Пролет“.
Станува збор за нов објект (клон) на градинката ЈУОДГ „Пролет“ кој ќе го носи името „Бумбарче“. Установата е заедничка инвестиција на Општината Карпош и Министерството за труд и социјална работа.
Општината инвестирала во уредувањето на партерниот простор, додека Министерството за труд и социјална политика ја уредило внатрешноста на објектот.
Градоначалникот Јакимовски нагласи дека ова е трет објект на детска установа во населбата Козле, која ги згрижува најмалите карпошани од три урбани заедници: Кузман Јосифовски-Питу, Пецо Божиновски-Кочо и Средно и Горно Нерези.
- Објектот зафаќа површина од 160 квадратни метри, и ќе биде со капацитет за прием на 56 дечиња. Сите капацитети се пополнети, и родителите изразуваат големо задоволство, што отворивме нова установа, бидејќи имаше реална потреба и заинтересираност за згрижување на нашите најмлади жители, потенцира Јакимовски.
Директорката на градинката „Пролет“ Вита Јаковлевска, изрази големо задоволство од проширувањето на капацитетите на детската установа, бидејќи, како што рече, секоја година има се поголема заинтересираност од запишување нови дечиња.
Информира дека во овој клон ќе функционираат три занимални. Во две ќе бидат згрижени дечиња од 0-2 години, односно во т.н група на „јасли“, додека во една занимална ќе бидат згрижени деца од 2-6 години.
Ново на Сител
-
Фамелос: Ратификацијата на меморандумите ќе ја унапредеше соработката
-
Викендов променливо облачно, наместа нестабилно со дожд и грмежи
-
Амбасада на САД во Сараево: Додик е на опасен пат, „раздружувањето“ на БиХ значи крај на РС
-
На ГП Табановце влегле и излегле над 18.000, на ГП Богородица скоро 16.000 патници од 10 вчера до 10 утрово
-
Џафери: Значењето на светите браќа Кирил и Методиј е безвременско и обврзувачко, секој да го најде патот и да се вложи во напредокот
-
76-годишник почина откако се превртел со трактор
-
Иранска армија: Хеликоптерот на Раиси не бил нападнат, се запалил по падот
-
Политико: Колапс на напорите да се задржи ултрадесницата надвор од власт во ЕУ