Нема повредени патници во сообраќајната незгода кај Шумарски факултет
Во сообраќајната незгода која се случи попладнево на автобуската постојка кај Шумарски факултет, помеѓу автобус на ЈСП Скопје и две патнички возила, нема повредени патници.
За среќа, причинета е само материјална штета.
Според изјавата на возачот на автобусот дадена на внатрешната контрола на ЈСП Скопје, негодата се случила околу 15 часот во момент кога автобусот (ЛАЗ) кој сообраќал на линија 50 стоел на автобуската постојка кај Шумарски факултет, за влез/излез на патници, и во него од позади удрило едно од двете патнички возила кои учествувале во незгодата.
МВР работи на целосно расветлување на случајот.
ЈСП Скопје апелира на поголема внимателност на сите учесници во сообраќајот, со цел избегнување на евентуални човечки жртви и материјални штети.
Според извештајот на ЈСП Скопје за работењето во период јануари-јуни 2019 год, возилата на ЈСП Скопје учествувале во 73 сообраќајни незгоди, при што 50 биле по вина на патнички моторни возила.
Мирјана Давидовска
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден