Нејмар ќе заработува колку Меси и Роналдо заедно?!

Според информации од шпанскиот весник „АС“ раководството на Барселона за наредната сезона подготува нов договор за бразилската ѕвезда Нејмар со кој ќе заработува годишно 45 милиони евра што би било повеќе од заедничките примања на најдобрите во светот во овој момент Меси и Роналдо.

Трансферот ќе го обелодени претседателот на клубот Бартомеу во м.јуни кога ќе биде обелоденето и името на новиот спонзор кој ќе ги обезбеди парите за петкратно зголемување на платата на Бразилецот.

Ваквиот епилог доаѓа откако менаџерите на Нејмар извршија притисок врз Барселона со гласините дека ќе се пресели во Реал, ПСЖ или Манчестер Ј.

Ѕвездата на Каталонците во Барселона пристигна во 2013г од Сантос и на 133 натпревари постигна 81 погодок.