Неисправна водата за пиење во Македонска Каменица
Резултатите од анализите направени на водата од водоснабдителниот систем во Македонска Каменица покажале дека водата не е исправна за пиење и оти треба да се користи како техничка вода.
Според информацијата од ЈП „Камена Река“, резултатите од испитувањата направени од Центарот за јавно здравје, водата во Македонска Каменица одговара на втора класа од Уредбата за класификација на водите што значи дека може да се користи и за пиење, со претходна обработка - превривање.
ЈП Камена река препорачува од превентивни причини водата да се користи како техничка вода.
- Поради долготрајниот сушен период, речиси, целосно е прекинат дотокот на вода од Горештица и Моштичка Река и вода ќе се зафаќа од други извори. Водата во Македонска Каменица ќе се испитува во целиот овој период до стабилизација на состојбата, а граѓаните ќе добиваат секојдневни и навремени информации, кон кои треба да се придржуваат. Јавното претпријатие „Камена река“ уште еднаш упатува апел за рационално користење на водените ресурси со што сите заеднички ќе придонесеме за надминување и решавање на проблемот и да се стави крај на ширењето дезинформации заради остварување политички поени, истакнуваат од ЈП „Камена река“.
Од почетокот на месецов јавното претпријатие воведе и рестрикција на користење на водата во Македонска Каменица со што дневно во времетраење од четири часа беше сопирана по одредени реони од Македонска Каменица, по одреден распоред.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера