Негативни тестовите за корона кај двајца од тројцата сомнителни на Инфективна

Од тројцата сомнителни кои утринава се пријавиле на Инфективна, а претходно биле во Италија, кај двајца од нив тестовите се негативни.

За третиот резултатот уште не е готов. Министерот за здравство изјави дека сите имале симптоми слични на грип и затоа побарале лекарска помош.

Филипче тврди дека има доволно реагенси за потврдување на вирусот а веќе ја започнале постапката за набавка на дезинфекциони средства што беше една од вчерашните заклучоци на Влада.

Засега нема препораки за одложување на јавни манифестации во земјата, имајќи во предвид дека викендот е Струмичкиот карневал, но доколку се појави случај во Македонија ќе има мерки и за такви настани.

Филипче вели дека вечерва има авионски лет од Италија на скопскиот аеродром, но засега немаат одлучено дека сите патници би ги ставиле во изолацијс како што прават некои земји.

Сања Димитровска