„Не“ на референдумот во Грција не значи автоматски излез на земјата од еврозоната

„Не“ на референдумот во Грција нема да значи и автоматски излез на земјата од еврозоната, изјави вчера пред ТАСС европски претставник во Брисел, коментирајќи ги прелиминарните резултати од гласањето.

Според европскиот претставник ако одговорот „не“ за предложените мерки од кредиторите на земјата се потврди, тоа нема автоматски да значи и излез на Грција од еврозоната, туку преговорите ќе продолжат.

На вчерашниот референдум во Грција вкупно 61,31 процент од гласачите се изјасниле „не“ за предложените од меѓународните кредитори на Грција услови за реформи, наспроти 38,69 проценти кои гласале „да“, покажуваат конечните резултати, објавени од грчкото Министерство за внатрешни работи. На референдумот учествуваа 62,5 проценти од регистрираните гласачи во земјата.