НБА: Јокиќ го носи Денвер во конференциско финале

Денвер Нагетс води со 3-2 во полуфиналната плејоф-серија во Западната конференција против Портланд Трејлблејзерс. Нагетс, благодарение на доминантната игра на Србинот Никола Јокиќ, забележаа победа 124:98.

За разлика од претходните четири натпревари во серијата, петтиот беше решен веќе по првото полувреме. Нагетс, по 24 минути игра, имаше предност од 18 поени (65:47).

Јокиќ одигра уште еден неверојатен меч и го собори рекордот на франшизата според бројот на скокови во еден плејоф-натпревар. Србинот мечот го заврши со 25 поени, 19 скока и 6 асистенции. Јокиќ поентерски го следеа Милсап со 24, Мари со 18 и Херис со 16 поени.

Јокиќ е првиот играч по Леброн Џејмс во 2010 година, кој имал 25+поени, 19+скока и 6+асистенции.

Кај Портланд потфрли Мекалум, кој постигна само 12 поени, а најефикасен беше Лилард со 22 поена.