Игокеа го назначи Перо Антиќ за амбасадор на клубот

Поранешниот македонски кошаркар и капитен на репрезентацијата, Перо Антиќ, ќе биде амбасадор на кошаркарскиот клуб Игокеа.

Од клубот соопштија дека Антиќ ќе има улога на промотор и претставник на тимот, со цел дополнително да се зајакне брендот на Игокеа и врската со навивачите и кошаркарската заедница.

„Со големо задоволство објавуваме дека Перо Антиќ станува амбасадор на нашиот тим. Неговата харизма, професионализам и спортски дух ќе бидат силна инспирација за сите кои се дел од нашата заедница. Заедно градиме нови успеси“, објави генералниот менаџер на клубот, Игор Додик.