Натпревари за „големото“ финале на Европското првенство во ракомет

На Европскиот шампионат во ракомет попладнево се играат дуелите за „големото“ финале и со тоа стартува завршниот викенд на првенството. Со големо внимание се очекува дуелот Хрватска – Германија.

Актуелниот светски вицешампион Хрватска, преку нивниот селектор Дагур Сигурдсон искажаа многу критики кон ЕХФ и организирањето, особено што во два дена играа два натпревара, а вчера имаа патување од Малме до Хернинг и притоа се сместени во Силкеборг на 40-тина километри од Хернинг.

Германија пак на првенството има два пораза, но кога треба да се одигра за резултат тие се подготвени.

Во второто полуфинале играат светскиот првак Данска и Исланд. Данската селекција сака да ги „обедини“ сите титули олимписката, светска и им недостасува европската. Секако сакаат и да стигнат до златото и со тоа да го заборават болниот пораз на Европското во 2014 во финалето од Франција. Исланд на овој дуел е аутсајдер, но токму тие ја пратија Шведска во дуелот за петтото место.

Денешната програма стартува со натпреварот за петтото место меѓу Португалија и Шведска (почеток 15 часот), потоа е дуелот Хрватска – Германија (почеток 17:45 часот) и на крајот е дуелот Данска – Исланд (почеток 20:30 часот).

МИА