Најплатената манекенка без фотошоп изгледа вака!

Кога магазинот „Форбс“ пред неколку месеци објавил листа на најплатени манекенки на светот за оваа година, на првото место се нашла Жизел Бундшен. Највлијателниот модел во кампањите изгледа совршено, но како изгледа во природно издание откриваат нејзините фотографии од одморот во Италија.

Црниот костим за капење ѝ е омилен, па вакви и слични модели најчесто носи на одмор. Познатата Бразилка, која оваа година го прославила својот 36-ти роденден, веќе со години е синоним за женска убавина и вито тело.

Иако минатата година одлучила да ја напушти пистата, од модните кампањи и насловните страни не се откажала и на нив секогаш е грандиозно убава. Воопшто не се крие дека модните фотографии на познатата Бразилка се фотошопираат. Сепак, фотографиите од Италија вне нè разочаруваат.

Разликата помеѓу неа и оние „дотераните“ е очигледна, но тие не ја намалуваат убавината на оваа мајка на две деца.