Најмалку 11 цивили загинаа во напад на џихадисти во источен Ирак

Најмалку 11 цивили загинаа во напад на џихадисти во источен Ирак, изјави утринава локален претставник.

Цел на нападот во провинцијата Дијала бил минибус кој превезувал цивили од предизборен митинг. МВР соопшти дека доцна синоќа кон минибусот биле фрлени две експлозивни направи, а потоа и било пукано од снајпер од непозната локација. Најмалку 13 лица се ранети.

Нападот беше неколку недели пред локалните избори закажани за 18 декември.