Најбогатиот спортист во светот остана без титула за "ситни" 200.000 долари

Флојд Мејведер ја загуби титулата во велтер категорија во ВБО верзијата освоена против Мени Пакјао во мај поради неподмирени долгови кон оваа организација.

Причината поради која Мејвејдер остана без шампионскиот трофеј е банална.

Иако од мечот со Пакјао, Мејведер заработи околу 230 милиони долари, американскиот боксер не платил 200.000 долари на име "котизација" кон Светската боксерска организација (ВБОЛ.

Поради неплатениот долг ВБО донесе одлука да му ја одзема титулата Светски шампион на Американецот.

По одлуката да му се одземе титулата на Мејведер, нов шампион во ВБО е Тимоти Бредли кој во борбата за привремена титула минатиот месец го совлада Џеси Варгас.