Надал го освои Монте Карло

Доминација на Надал на Мастерс турнирот во Монте Карло каде ја освои рекордната 11. титула. Во финалето Шпанецот без шанси го остави Кеј Нишикори кој успеа за 92 минути да освои само 5 гема и да биде поразен со 6-3 и 6-2.

Интересно е што Јапонецот одлично го отвори мечот со прв брејк но потоа како да застана без можност да му парира на Надал.

Во вториот сет два брејка на надобриот светски рекет и убедлива победа.

Со освоената титула во Монте Карло, Надал го одбрани и првото место на АТП листата. Шпанскиот тенисер од понеделник ќе ја започне својата 171.недела на челната позиција на АТП листата.

Исто така тој повторно е осамен на првото место на листата на играчи со најмногу освоени мастерс титули. Надал има 31 титула од серијата Мастерс 1000, една повеќе од Новак Ѓоковиќ.