На пет локации во Скопје ќе се донира храна за бездомници
На пет локации во Скопје денеска почнува акција за донирање на храна „Нахрани 1000“ по повод 17 октомври - Светскиот ден за борба против сиромаштијата.
Во периодот од 10 до 19 часот ќе бидат поставени штандови на плоштадот Македонија, пред Скопје сити мол кај Плеј кафе, пред Веро во Аеродром, пред Домот на градежници и пред Тинексот во Ѓорче Петров. На штандовите ќе може да се донира храна која ќе биде наменета за бездомниците и за сите загрозени семејства.
Целта на акцијата е да се поттикне солидарноста и да се подигне јавната свест за донирање храна на оние на коишто таа им е најпотребна.
Организатори на настанот се граѓанската иницијатива „Мрдни со прст”, „Црвениот крст на Град Скопје”, организацијата „Ајде Македонија”, Здружението на граѓани за помош на бездомници и загрозени семејства „Љубезност”, Сојузот на извидници и организацијата „АДРА”.
Покрај штандовите, во акцијата ќе биде вклучено и комбе на иницијативата „Мрдни со прст“ кое денеска ќе посети компании во Скопје бидејќи, како што соопштија организаторите, бизнис секторот пројавил интерес за акцијата.
Повеќе информации за иницијативата се достапни на страната https://www.facebook.com/МrdniSoPrst/.
Ново на Сител
-
Таравари: ВРЕДИ во Владата ќе има 6 министерства и претседател на Собрание
-
Силјановска со културна дипломатија ги затоплува односите во Бугарија
-
Преспанскиот договор - Секојдневна тема во Атина
-
Детектор анкета: Секој трет размислува да се исели од Македонија
-
Уставен Суд ќе бира нов претседател, Кацарска без право на реизбор
-
Поројниот дожд направи штети, ЦУК апелира на внимателност
-
Недостигаат најмалку двајца инспектори за контрола во водниот сообраќај
-
Повторно доцни сеидбата на ориз во атарите на селата на Општина Чешиново-Облешево