На кинески институт за воени истражувања му е одобрено тестирањето врз луѓе на вакцина против Ковид-19

На Кинескиот институт за воени истражувања му е одобрено тестирање врз луѓе на неговата втора експериментална вакцина против коронавирусот, што е осми обид за вакцина со клинички испитувања во оваа земја, која стана лидер во глобалната борба против Ковид-19.

Ниту една вакцина против коронавирусот, од кој досега се убиени над 470.000 лица во светот, не е одобрена за продажба, но повеќе од десет компании или институти од целиот свет во моментов се во различни фази на тестирањата врз луѓето.

Новиот лек е развиен од Академијата за воени науки, што се поврзува со Народноослободителната армија, а кинеската Национална управа за медицински производи го даде одобрението за тестирање врз луѓето, пренесуваат британските медиуми.

Најновиот тестиран производ на Академијата за воени науки е наречен ARCoV, а ја користи mRNA технологијата, пристап што, исто така, се применува и кај вакцините што се развиваат од компанијата „Moderna Inc“ во САД и германската компанија „CureVac“, но тој никогаш не бил клинички тестиран во Кина , соошти Институтот на социјалната мрежа WeChat.