На Хамилтон не му беше дозволен влез во „Кралската ложа“

 Актуелниот светски првак во Формула 1 Луис Хамилтон не доби дозвола за влез на финалето на Вимблдон поради непочитување на правилата за облекување.

 

Тој не можеше во живо да го гледа мечот меѓу Новак Ѓоковиќ и Роже Федерер затоа што не беше соодветно облечен.

 

Хамилтон пред почетокот на финалето се појави пред „Кралската ложа“ со ВИП покана, но без соодветно одело, па редарите на влезот му забранија да влезе на Централниот терен.

 

Формула 1 шампионот носеше кошула и шешир, но на себе немаше ниту сако ниту кравата што е задолжително за сите ВИП посетители.

 

На Вимблдон правилата за дрес кодот ригорозно се почитуваат.