На брегот на Либија пронајдени тела на 100 илегални имигранти

Сто тела на илегални имигранти беа исфррлени на брегот на Либија. Жртвите најверојатно се луѓе од Субсахарска Африка. Меѓу нив има жени и деца, јави ДПА.

Телата биле пронајдени во близина на Таџура. Се претопоставува дека илегалните имигранти загинале во бродска несреќа во близина на Таџура, која е оддалечен 10 километри од главниот град на Либија, Триполи.

Во Средоземно Море од 1. јануари досега загинале 1.914 илегални имигранти, а минатата година загинале 1.031 луѓе, се наведува во соопштението на Меѓународната организација за миграција.