"Му реков дека имам СИДА - ме нарече свиња и ме избрка"

 

Џурица Станков, 39-годишниот Србин веќе 12 години е ХИВ позитивен и наидува на мнпгу одбивања и омаловажувања поради тоа. Го напуштиле 99 отсто од пријателите и не може да се вработи.

 

Знае што го очекува, потајно се надева на лек. Вели дека некогаш лежи и посакува да умре. Тој ја раскажа својата потресна приказна.

 

- Бев на стоматолог. Му кажав дека сум ХИВ позитивен а тој почна да ми вика дека сум ѓубре и стока и дека веројатно сум хомосексуалец и така сум се заразил. Ми велеше дека сум дошол да го заразам и него и другите пациенти. Буквално ме избрка, вели потиштениот Џурица.

 

Вели дека во моментот кога дознал дека има СИДА му се срушил светот. Со часови шетал бесцелно по улиците. Имал 27 години. Му било многу тешко.

 

- Сега имам тројца пријатели, но барем знам дека се вистински. Другите, 99% од нив ме напуштија, вели тој.