Мразот на Гренланд се топи сè побрзо
Гренланд го губи мразот седумпати побрзо отколку во 1990-тите, посочува истражувањето на меѓународен тим научници, кои проучувале сателитски снимки од временски период од 26 години. Заклучоците се објавени во угледното научно списание „Нејчр“.
Проценката посочува дека островот Гренланд загубил 3,8 трилиони тони мраз од 1992 година досега. Тоа значи 10,6 милиметри повисоко морско ниво, пренесува БГНЕС.
Според написот, влијанието на Гренланд за покревање на морското ниво денеска е точно како во најпесимистичките предвидувања за иднината. Тоа значи дека кон крајот на овој век може да се очекува дополнително покачување на океанот за седум сантиметри само поради Гренланд. Тоа пак, значи и поголем ризик од поплави.
Во мигов, околу милијарда лица живеат на помалку од 10 метри над сегашните линии на одлив.
Од друга страна, пак, Аљаска веќе не е синоним на студ. Во Енкориџ – најгусто населениот град на оваа американска сојузна држава, на 4 јули беа измерени 32 Целзиусови степена.
Ново на Сител
-
Тешко повреден параглајдерист во Крушево се пренесува со полициски хеликоптер во Скопје
-
Кривична против 14-годишник од Куманово, извршил шест тешки кражби во приватни имоти
-
Жена од Гостивар физички го нападнала своето 4-годишно дете
-
Дмитриев: За постигнување мир во светот мораме да ги исправие грешките на Бајден
-
23-годишник под истрага за илегално држење и продавање марихуана
-
Делчево добива Центар за услуги – дел од националниот портал за дигитални услуги
-
По два дена нормализирано водоснабдувањето во Тетово
-
Дубровник најбезбеден туристички град во Европа