Москва објави дека се пресретнати 100 украински дронови

Руската војска пресретна околу 100 украински дронови во текот на ноќта низ неколку региони, вклучувајќи шест во близина на главниот град Москва, објавија денеска државните медиуми.

Министерството за одбрана соопшти дека четири од дроновите се движеле кон Москва, додека други биле уништени над граничните региони Белгород и Брјанск, како и Краснодар на југот на Русија, каде што биле пресретнати 46, осум и седум дронови, соодветно.

Државните медиуми објавија и за штета на девет станбени згради и индустриски објект во граничниот регион Брјанск, повикувајќи се на гувернерот Александар Богомаз. Првично нема извештаи за жртви.

Најновиот бараж следи по голем напад со украински дронови вчера. Вечерта, складиште за гориво во регионот Уљановск беше погодено од украински дронови, погодувајќи резервоари за складирање кои ѝ припаѓаат на компанијата НС-Оил, според украинскиот канал Телеграм Егзиленова.

Украина ги засили нападите со дронови со долг дострел врз руската енергетска инфраструктура во последниве месеци, со цел да го наруши снабдувањето со гориво. Русија ја започна својата целосна инвазија на Украина пред повеќе од три и пол години.

МИА