МНР отвори GlobalSOS - центар за итни случаи

Глобал СОС е контакт центар за итни случаи за сите граѓани на Република Северна Македонија кои се наоѓаат надвор од државата, преку кој можат директно да се обратат за било која итна ситуација, а кој директно ќе им помогне или ќе ги поврзе со соодветната институција или конзуларен службеник кој ќе може да им ја обезбеди итната конзуларна услуга.

Виртуелниот контакт центар работи од 08:00 - 22:00 часот секој ден, а на интернет страницата на mfa.gov.mk се објавени и список на дежурни телефони во сите Дипломатско конзуларни претставништва, кои се достапни 24/7. За кусо време и контакт центарот ќе биде достапен 24 часа.

Граѓаните можат да се обратат за секој случај кој го сметаат за итен, а особено за случаи како смртен случај или несреќа, изгубен или украден пасош, сообраќајна или друга незгода, елементарни или природни непогоди. Апелираме граѓаните да го користат контакт центарот само за итни случаи.