Младинките убедливи против Србија

Женската младинска ракометна репрезентација на Македонија постигна убедлива победа од 32-19 на првиот од двата контролни натпревари со соодветната репрезентација на Србија. Избраничките на селекторот Симе Симевски на полувремето водеа со 12-10, но направија серија и обезбедија висока победа.

Сара Ристевска со 9 голови и Симона Стојановска со 8 беа најефикасни на дуелот.

Двете репрезентации и утре (19:30 часот) ќе одиграа натпревар во малата сала во СЦ „Јане Сандански“.

Овие дуели на двете селекции им служат за подготовка бидејќи и Македонија и Србија ќе учествуваат на ЕП за ракометарки до 19 години што ќе се одржи во Валенсија, Шпанија.