Мизрахи: Прашајте ја Мила каде е новата табла
Техничката министерка за труд и социјална политика, Рашела Мизрахи предложена од опозициска ВМРО-ДПМНЕ, во обраќањето пред пратениците порача дека хајката против неа која почнала со антисемитски напади, завршила со, како што рече, евтината претстава наречена табла во Министерството за труд и социјална политика.
- Дозволете да им се заблагодарам на сите граѓаните на Република Македонија, на ВМРО-ДПМНЕ и на Собранието за шансата да бидам министер. Ми беше чест и задоволство. Уште невлезена во Министерството како прва Еврејка во Владата бев мета на антисемитиски напади. Сите тие напади кон мене се засилуваа кога со факти и докази им презентирав дека Министерството е нефункционално. Конечно хајката против Еврејката Мизрахи од страна на СДСМ заврши, кулминира, со евтина театарска претстава наречена таблата во Министерството. Не ја прашувајте Мизрахи, прашајте ја Мила каде е новата табла. Јас сум Рашела Мизрахи, горда Еврејка од Македонија, рече Мизрахи.
Претходно во петокот доцна вечерта техничкиот премиер од СДСМ, Оливер Спасовски, побара Собранието да ја разреши од должноста поради држењето прес-конференции пред таблата со старото уставно име на земјата Република Македонија. Мизрахи на обвинувањата одговори дека таа табла стоела во просториите на министерството кога таа ја преземала функцијата од Мила Царовска.
Ново на Сител
-
Златни кратовски денови стартуваа со музичко шоу
-
Тема на денот со Горан Минчев, министер за јавна администрација
-
Златни кратовски денови стартуваа со музичко шоу
-
Два активни пожари денеска - премиерот смета дека тие кај Скопје биле дел од организирана акција
-
Се зголемува бројот на обиди за ин витро оплодување на сметка на ФЗО
-
Златни кратовски денови стартуваа со музичко шоу
-
Реновираниот „Музеј на вода“ повторно блеска
-
Преглед на вестите од светот