Митко Кржовски нов управител на ЕДС на местото на Кочо Анѓушев

Нов управител на компанијата за трговија со електрична енергија ЕДС е Митко Кржовски кој доаѓа на местото на Кочо Анѓушев, кој сега ја извршува функцијата вицепремиер задолжен за економски прашања. 

Компанијата денеска соопшти дека Кржовски доаѓа од висока позиција во ЕДС и е дел од неа од основањето.

Од компанијата најавуваат дека се започнати процедури за промена на сопственичката структура кои ќе бидат спроведени во согласност со законската регулатива во државата.