Мислела дека носи близнаци, а родила бебе од 6 килограми - погледнете
Фотографиите на малата Карли Корбит ќе ви го растопат срцето.
Кога дошла на овој свет, малата буцка тежела 6,1 килограм, а сега се прослави низ светот со неодолива фотосесија.
Карли се родила со царски рез на 15 мај, речиси една недела пред крајниот термин за породување, а нејзината големина ги изненадила сите присутни во операционата сала.
Нејзината мајка, Криси, не можела да им верува на очите кога ја видела за првпат. „Кога педијатарот ми ја покажа над завесата, само реков: Боже, огромна е. Беше како да сум родила дете“ – рекла таа.
Тежината на новороденото бебе се должи на тоа што Криси страдала од гестациски дијабетес во текот на бременост. Но, и покрај тоа, никој не помислувал дека таа ќе роди бебе од шест килограми.
Карли во моментов има само 3 недели, а веќе носи облека за 9-месечно бебе. Нејзините родители морале да ги донираат бебешките алишта кои ги купиле пред нејзиното раѓање.
„Таа е прекриена со витки. Таа е едно големо буцкасто бебе. Неодолива е“ – рекла Криси и додала дека не ни помислувала дека нејзината ќерка ќе стане славна. „Немав претстава дека ќе биде толку популарна. Искуството беше одлично и со нетрпение чекам да споделам со неа дека таа стана славна преку ноќ“.
Ново на Сител
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата
-
78-годишен тетовчанец тешко повреден во сообраќајка