Министерството за транспорт и врски реагира на прес конференцијата на ВМРО-ДПМНЕ
Министерството за транспорт и врски реагира на денешната прес-конференција на претставник на политичката партија ВМРО-ДПМНЕ.
Во недостиг на конкретни идеи, а со цел да заработат ситни политички поени, ВМРО-ДПМНЕ се обидува да ја манипулира македонската јавност.
Министерството за транспорт и врски уште еднаш потенцира дека ќе продолжи со финансиска поддршка на авиокомпании кои ќе понудат нови поволни и евтини летови до дестинации атрактивни за граѓаните.
Предлог текст за нова Уредба е веќе во Владина процедура и веднаш штом ќе биде усвоен од Владата, Министерството за транспорт и врски ќе распише нов Јавен повик за доделување на финансиска поддршка за поттикнување и развој на воздушниот сообраќај во Република Македонија на домашни и странски авиопревозници.
Со Јавниот повик кој ќе биде објавен во најбрз можен рок, имаме за цел да го продолжиме континуитетот на евтини летови, да воведеме нови атрактивни дестинации и да го стимулираме развојот на авиосообраќајот во земјата.
Целта на оваа Влада е да создаде подобри услови за патување на македонските граѓани и уверуваме дека младите ќе имаат можност да летаат до атрактивни и посакувани дестинации, по поволни цени на авио билетите.
Ново на Сител
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228
-
Папата им го честиташе Велигден на православните христијани
-
Скопјанец измамен во менувачница од двајца странски државјани