Министерката Петровска на безбедносен форум во Црна Гора
– Министерката за одбрана Славјанка Петровска денеска учествува на регионалниот политичко-безбедносен форум „2БС – Да се биде безбеден“ во Будва, Црна Гора.
Петровска ќе се обрати на панелот „НАТО подготвен за иднината – силен и отпорен“, заедно со заменик премиерот и министер за одбрана на Црна Гора, Рашко Коневиќ, и министерот за одбрана на Босна и Херцеговина, Сифет Поџиќ, соопшти Министерството за одбрана.
На годинашниот форум ќе бидат опфатени повеќе теми и области кои претставуваат предизвик за регионалната и глобалната безбедност, како војната во Украина и реперкусиите врз Западен Балкан, борбата со дезинформациите, европерспективата на Западен Балкан, одговорноста на агенциите за разузнавање на Западен Балкан, големата геостратешка конкуренција, значењето на сојузот помеѓу Русија и Кина, Отворен Балкан и други.
Покрај министерката Петровска, на форумот ќе учествуваат и други високи претставници од државите во регионот, меѓу кои и претседателите на Словенија и Црна Гора, Борут Пахор и Мило Ѓукановиќ, заменик генералниот секретар на НАТО Мирчеа Џоана, министри за одбрана и министри за надворешни работи од регионот, претставници на академската заедница и експерти, а најавено е и преку видео врска да се вклучи украинскиот претседател Зеленски.
Оваа година се одржува дванаесеттиот „2БС – Да се биде безбеден“ форум, кој е годишен безбедносен форум во организација на Атлантскиот совет на Црна Гора, се наведува во соопштението од МО.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата