Министерката Петровска ќе презентира план за повисоки еколошки стандарди во одбраната

Министерката за одбрана Славјанка Петровска денеска ќе го презентира Планот за повисоки еколошки стандарди во одбраната наречен „Еко одбрана“.

На настанот, што ќе се одржи во касарната „Илинден“, најавено е присуство и на министерот за животна средина и просторно планирање Насер Нуредини и на професорот Драган Миновски од Електротехничкиот факултет при Универзитетот „Гоце Делчев“ во Штип.

Миновски за потребите на Министерството за одбрана изработи Анализа на можностите за зголемување на енергетската ефикасност и производство на електрична енергија од фотоволтаични електрани во касарните.