Мицкоски: Не го знам името на новиот гувернер, ќе имам средба со претседателката
Премиерот Христијан Мицкоски вели дека не го знае името на новиот гувернер на Народната банка, но најави дека ќе се сретне со претседателката на државата која се очекува во текот на денот да го достави предлогот до Собранието.
- Не го знам името. Веднаш по овој настан ќе имам средба со претседателката и претпоставувам дека ќе го дознаам името, изјави Мицкоски при денешната посета на Клиниката за гинекологија и акушерство во Скопје.
Прашан дали ќе го поддржи предлогот за гувернер што ќе го предложи претседателката Сиљановска-Давкова или тоа ќе зависи од тоа кој ќе биде предложен, Мицкоски рече дека ги знае имињата на кандидатите кои имале разговор со претседателката и дека за сите нив има свое мислење.
Денеска се очекува да биде познат предлогот за гувернер што ќе го предложи претседателката Сиљановска-Давкова. Таа во изјава за медиумите рече дека постапката ќе биде завршена пред да замине за Италија, потврдувајќи дека гувернер ќе биде еден од кандидатите што се споменуваат во јавноста.
- Никогаш не се кажува прво во јаноста, туку се испраќа до органот и Собранието одлучува. Тоа денеска ќе биде финализирано пред за заминам за Италија, рече Сиљановска Давкова во изјава за новинарите по денешниот Форум за културна дипломатија што се одржа во нејзиниот Кабинет.
Меѓу тројцата кандидати за гувернер се спомнуваат актуелната гувернерка Анита Ангеловска-Бежоска, професорот на Економскиот факултет во Скопје Трајко Славески и поранешниот министер за финансии Зоран Ставрески. Мандатот на актуелната гувернерка Анита Ангеловска Бежоска истекува денеска, но законот пропишува таа да ја врши функцијата до изборот на нов гувернер. Ангеловска Бежоска стапи на функцијата на 22 мај 2018 година.
Ново на Сител
-
Потпишан договор за грант од 5,5 милиони евра за енергетска реконструкција на студентски домови
-
Најмалку осуммина повредени во невремето што попладнево го погоди Белград
-
ЕК за концертот на Томсон: Го осудуваме секој израз на фашизам, членките на ЕУ да го казнат говорот на омраза
-
Голема брзина над дозволената причина за несреќата во која загинаа Жота и Силва
-
Вардар и Алкалоид се двете македонски екипи во Лига Европа во ракомет
-
Владата прогласи кризна состојба од 30 дена поради пожарите
-
Можни прекини во водоснабдувањето во Општина Чаир и Железара поради прекин на електрична енергија
-
Кривична за екс-директор на основно училиште во Липково, го оштетил буџетот на државата за 577.550 денари