Мелони по посетата на папата Франциск во болница: Тој е „внимателен и одговорен“ и со добра смисла за хумор
Италијанската премиерка Џорџа Мелони денеска го посети папата Франциск во болница по што изјави дека тој е „внимателен и одговорен“ и со добра смисла за хумор, и покрај неговата дијагноза на пневмонија и комплицирана бронхијална инфекција поради која веќе шест дена е хоспитализиран.
Taa ги изрази своите желби за брзо закрепнување на папата, во име на Владата и целата нација.
„Се шегувавме како и секогаш. Тој не ја изгубил својата смисла за хумор“, посочи Мелони.
Таа е првиот потврден надворешен посетител за кој се знае дека го посетил папата, освен неговите секретари и медицинскиот тим, од неговиот прием на 14 февруари во болницата „Агостино Џемели“ во Рим, каде за него има апартман на 10-тиот кат.
Ватикан соопшти дека папата Франциск, на кого му бил отстранет дел од едното белодробно крило како млад човек, станал од кревет и јадел по мирната ноќ, еден ден откако тестовите потврдија дека има пневмонија во двете белодробни крила, покрај астматичен бронхитис.
Ново на Сител
-
ЦУК: Активни шест пожари, изгаснати три
-
Алкалоид против Хановер во баражот за групната фаза во Лига Европа
-
Лошиот квалитет на водата ги одложи маратонските трки на СП
-
Баро: Ќе воведеме санкции кон Иран ако до август нема напредок во нуклеарниот договор
-
Граѓанската иницијатива Зелен хуман град ја поздрави пресудата за убиството на кучето Феликс
-
Приведено едно лице од Куманово поради управување моторно возило под дејство на алкохол
-
Во Србија од октомври го зголемуваат минималецот на 500 евра
-
За кокаин и убиства по нарачка шестмина членови на криминалната група Грчец осудени на вкупно 50 и пол години затвор