„Ме продадоа играчите и собирачите на топки“

Првиот стратег на Челзи, Жозе Мурињо со своите коментари по поразот од Лестер во Премиер лигата  повторно предизвика големи полемики?!

„Еден од моите најголеми квалитети е да ја читам играта на моите играчи, а сега се чувствувам како да го издадоа мојот труд. Четири дена се подготвував за Лестер, гледав четири нивни акции, а од тоа две водеа до погодоци“- изјави Португалецот по поразот од 2-1. 

„Една можност е дека минатата година сум направил неверојатна работа и ги доведов играчите до ниво кое можеби не е нивно ниво, па сега тоа не можат да го издржат“ размислува Жозе ккој се осврна и на собирачите на топки кои според него се „срамота за Премиер лигата “ бидејќи задржуваа време. 

Челзи е сега 16. На табелата со 9 порази ( колку за двете претходни сезони вкупно) и има само бод повеќе од зоната на испаѓање. 

„Го прифаќам пласманот но не прифаќам дека се бориме за опстанок. Знам само еден начин да се извлечеме а тоа е работа на највисоко ниво. Фрустрација е да се види како играчите работат на тренинг, а потоа како се губат на терен“, вели Мурињо. 

Реално според него е пласманот во Топ 6 но не и помеѓу првите четири екипи на табелата и дека сака да остане менаџер во клубот. Не се плашам од предизвикот и се надевам дека ќе добијам поддршка од Абрамовиќ и управата“.