Мбапе го купи францускиот второлигаш Каен
Напаѓачот на француската репрезентација и шпанскиот гигант Реал Мадрид, Килијан Мбапе стана мнозински сопственик на францускиот второлигаш Стад Малербе Каен, попознат како СМ Каен.
Мбапе купи 80 отсто од акциите на клубот преку неговиот инвестициски фонд „Coalition Capital„, додека Пјер-Антоан Каптон, актуелниот претседател на надзорниот одбор, ќе остане малцински акционер со удел од 20 отсто.
Клубот од стадионот Мишел д’Орнано досега беше во сопственост на американскиот инвестициски фонд „Oaktree“. Се шпекулира дека трансакцијата е вредна околу 15 милиони евра.
Француските медиуми пренесуваат дека претседател на клубот треба да биде Зиад Хамуд, близок пријател на француската фудбалска ѕвезда, кој е задолжен за неговата компанија за заштита на имиџот.
Сè уште не е јасно колку од неговите сопствени пари на крајот ќе инвестира Мбапе и кои се неговите амбиции за клубот.
СМ Каен, клуб од град лоциран во Нормандија, 240 километри западно од Париз, ќе ја започне својата сезона во Лига 2 на 17-ти август против Париз ФК. Последен пат Каен играше во елитната класа Ле Шампионат во сезоната 2018/19.
Ново на Сител
-
Австриска министерка за надворешни работи: Путин губи време, Русија ќе биде преплавена со ковчези
-
Откако Израел прогласи „тактичка пауза“, пристигнаа 100 камиони со помош во Газа
-
Алиу: 205 милиони евра за болници кои инспирираат доверба, а не страв
-
Мицкоски: Пустец е доказ дека припадноста не се брише, дека коренот останува, дури и кога над него дуваат силни ветрови
-
До 18 часот вкупно 29 пожари на отворен простор, од нив 14 активни
-
Три жени осомничени за полови дејствија со деца и детска порнографија во гостиварско
-
Мајка и ќерка повредени кога нивното возило излетало и застанало на пругата кај Стар Мост во Велес
-
Ангелов: До 13:30 часот се евидентирани 16 пожари на отворен простор, од нив осум се активни