Маж од Градско излетал од коловозот со автомобил кај мостот на Црна Река и се здобил со тешки повреди

Четириесет и четири годишен маж од Градско се здобил со повреда на глава и исчашување на рамо откако со автомобил излетал надвор од коловозот на регионалниот пат од Градско кон Неготино, во близина на мостот на Црна Река.

Како што информираа денеска од СВР Велес вчера околу околу 07:45 часот во СВР Велес било пријавено дека на регионалниот пат од Градско кон Неготино, во близина на мостот на река Црна Река, патничко возило „форд“ со велешки регистарски ознаки, управувано од П.Б.(44) од Градско, излетало надвор од коловозот. Во несреќата со тешки телесни повреди се здобил возачот, констатирани во Општата болница Велес. Извршен бил увид од увидна екипа од СВР Велес.

Како што информира од ЈЗУ Општа болница портпаролот д-р Ванчо Граматов, пациентот бил донесен во ЈЗУ Општа болница Велес по што му била направена рендген снимка и констатирана е лесна повреда на глава како и исчашување на рамо.

– Повредите се санирани и пациентот е пуштен на домашно лекување, информира д-р Граматов.