Масовна средба во природа на лица со телесен инвалидитет

Во организација на Националниот сојуз на лица со телесен инвалидитет на Македонија – Мобилност Македонија денеска во Спортско-рекреативнот ценатар на езерото Треска во Сарај, ќе се одржи петтата Масовна средба во природа на лица со телесен инвалидитет. 

На овој масовен излет во природа, се очекува да присуствуваат 350 до  400 лица со телесен инвалидитет од целата држава.

- Оваа средба  во природа се организира под мотото „Сплотени, достоинствени и силни“ со што испраќаме порака дека обединети и организирани имаме сила да се избориме за нашата позиција во општеството како еднакви со другите. Тоа го правиме достоинствено како наше право и обврска на општеството кон нас, посочуваат организаторите.

Целта на Мобилност Македонија како национална инвалидска организација во чиј состав делуваат 16 општински и меѓуопштински инвалидски организации на лица со телесен инвалидитет е да ја подобри сегашната состојба и во соработка со надлежните институции да ги надмине пречките и да овозможи поквалитетен, посигурен и подостоинствен живот за лицата со телесен инвалидитет кои според Уставот и законите се рамноправни со останатата популација во државата.