Локализиран пожарот во Маџир Маало

Покривна конструкција и еден кат на напуштена куќа во Маџир Маало беа опожарени денеска, потврдија за МИА од Град Скопје, посочувајќи дека во пожарот нема жртви.

Од таму додаваат дека огнот е локализиран и дека се работи на утврдување на причините за пожарот.

Претходно од скопската Територијална противпожарна единица за МИА потврдија дека пожарот избувнал во напуштена куќа на улица „Ѓуро Ѓоновиќ“ број 65, во близина на новата Железничка станица. Во гаснење на пожарот учествувале три противпожарни возила и 10 пожарникари.