Либанскиот Парламент го усвои првиот Буџет на земјата од 2005 година

Либанскиот Парламент доцна синоќа го усвои првиот Буџет на Либан во последниве 12 години, што се оценува како клучен чекор кон спроведување на неопходните економски реформи во земјата и спречување на неконтролираниот државен долг.

По атентатот врз поранешниот либански премиер Рафик Харири во 2005 година, на ниту една Влада на Либан не и успеа да обезбеди мнозинство во Парламентот за донесување на Буџет на државата.

Новиот Буџет на Либан е усвоен по тридневна дебата со 61 глас „за“, четири „против“ и осуммина „воздржани“ пратеници. 

Усвојувањето на државен Буџет беше еден од приоритетите на Владата на либанскиот премиер Саад Харири, која беше избрана во јануари годинава.