Курти: Бандите диригирани од Вучиќ ги интензивираа нападите во северно Косово
Косовскиот премиер, Албин Курти ги осуди вчерашните напади со експлозивни средства во северно Косово, за што ги обвини криминалните структури во таа област, за кои вели дека се „платени од Србија и диригирани од нејзиниот претседател“, Александар Вучиќ, јави дописникот на МИА од Приштина.
Курти преку неговата страница на Фејсбук порача дека, поради вчерашните напади врз канцелариите на Општинската изборна комисија во Северна Митровица и во Зубин Поток, во тој дел од земјата ќе има зголемено полициско присуство.
– Криминалните банди ги интензивираа нападите во северно Косово Тие знаат дека им доаѓа крајот. Владата на Косово ниту се пазари со нив, ниту ќе ги поднесува. Бомбите кои ги фрлаат, куршумите кои ги истрелуваат и маските кои ги носат се нивната политичка и народна немоќ. Со овие злосторства и вооружени напади северно од Ибар, секако дека ќе имаме повеќе косовска полиција таму, напиша Курти.
Тој порача дека во тој дел од Косово „нема поделба меѓу Србите и Албанците, туку меѓу криминалните банди и граѓаните“.
„(…) Ќе има истрага и прогон на тие криминалци, кои се платени од Србија и диригирани од нејзиниот претседател. Бројните прекршувања на законот нема да бидат простени, а намерите за криминална дестабилизација ќе пропаднат. Во четирите општини на север (населени со мнозинско српско население) нема поделба меѓу Србите и Албанците, туку меѓу криминалните банди и граѓаните, напиша Курти.
Тој побара од граѓаните да придонесат за зачувувањето на мирот и стабилноста во земјата „да ја поддржат косовската држава и полицијата, сите службеници кои ги бранат уставноста и законитоста, републиката и демократијата.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување